фаһрәттин алтун: «сәуди әрәбистан соти дунйаниң әқлини мәсхирә қилмақта»
җумһур рәислик учур – алақә идарисиниң башлиқи фаһрәттин алтун, сәуди әрәбистан сот мәһкимисиниң журналист җәмал қашиқчи җинайитигә алақидар қарариға «дунйаниң әқлини мәсхирә қилғанлиқ» дәп баһа бәрди.
түркийә авази радийоси хәвири: җумһур рәислик учур – алақә идарисиниң башлиқи фаһрәттин алтун, твиттер һесабида һәмбәһирләшкән учурида, сәуди әрәбистан сот мәһкимисиниң қашиқчи җинайити үстидә айларғичә давамлашқан мәхпий сотлардин кейин, түнүгүн (2019-йили 23-декабир) шәрмәндиләрчә бир қарар мақуллиғанлиқини билдүрди.
фаһрәттин алтун: «җинайәт гурупписини мәхсус айропилан билән истанбулға йоллиған вә қашиқчини өлтүрүш пәрманиға имза қойған, өлтүрүлгүчиниң җәситини йоқитип ташлиған шундақла җинайәтни геләмниң астға сүпүрүп қоймақчи болған кишиләргә қанун чеқилалмайдиған һоқуқ берилди. <бу җинайәтни бир учум истихбарат хадимлири садир қилған> дейиш, аддий қилип ейтқанда, дунйаниң әқлини мәсхирә қилғанлиқтур, түркийә бу вәқәни толуқ айдиңлаштуруш үчүн тиришчанлиқлирини давамлаштуриду» деди.
сәуди әрәбистанлиқ журналист җәмал қашиқчи 2018 – йили той рисмийәтлири үчүн сәуди әрәбистанниң истанбулдики котсулханисиға киргинидә, вәһшийләрчә өлтүрүлгән иди.
