كاپىتاننىڭ ساياھەت خاتىرىسى _ مۇقەددىمە
تۆۋەندە نەسىلخان دەگىرمەنچىئوغلۇ تەرىپىدىن تەييارلانغان «كاپىتاننىڭ ساياھەت خاتىرىسى» ناملىق پىروگراممىمىزنىڭ بىرىنچى بۆلۈمىنى دىققىتىڭلارغا سۇنىمىز.
![كاپىتاننىڭ ساياھەت خاتىرىسى _ مۇقەددىمە](http://cdn.trt.net.tr/images/xlarge/rectangle/3bf0/4a52/d7d2/621881925d5cb.jpg?time=1718616981)
كاپىتاننىڭ ساياھەت خاتىرىسى _ مۇقەددىمە
تۈركىيە ئاۋازى رادىيوسى: ئۇزۇن يىللاردىن بۇيان يۈزلەرچە، مىڭلارچە قېيىق، كېمە ۋە پاراخوت بۇ دېڭىزلارنى بېسىپ ئۆتۈپ ساھىللارغا، پورتلارغا لەڭگەر تاشلىدى... بۇلارنىڭ سايىسىدا ئىنسانلار سانسىز قېتىم قىرغاقلارغا، قۇرۇقلۇقلارغا چىقتى... بۇ مۇساپىدە ئۇلار كۆرگەن نۇرغۇن جايلار ئۆزگىرىپ تەرەققىي قىلدى؛ ئۇلارنىڭ بەزىلىرى يەر ئاستىغا دەپنە قىلىنغان بولسا، يەنە بەزىلىرى قەددىنى تىك تۇتقان ھالدا مەۋجۇتلۇقىنى داۋاملاشتۇردى. ئۇلارنىڭ بەزىلىرى خارابىلىككە ئايلانغان قالدۇقلىرى ئارقىلىق بىزنى ئۆتمۈشنىڭ ئىزنالىرى بىلەن تونۇشتۇردى. ئۇنداقتا دېڭىزلارچۇ؟ سان – ساناقسىز دېڭىز قاتنىشى ۋە ئىنسانلار بېسىپ ئۆتكەن دېڭىزلاردا ئۆزگىرىش بولدىمۇ؟ ئۇلارمۇ ئەلۋەتتە نۇرغۇن پىراقلارغا، دىدارلىشىشلارغا گۇۋاھ بولدى. نۇرغۇن ئاشىق-مەشۇقلارنى بىر - بىرىدىن ئايرىدى... نۇرغۇن كىشىلەرنىڭ قەبرىسىگە ئايلاندى. ئەمما ئۇنىڭ گۈزەللىكى، كۆركەملىكىدە ھېچقانداق ئۆزگىرىش بولمىدى. ئۈستىدە كۆپۈك ۋە دولقۇنلار، قوينىدا مىليونلارچە جانلىق ھايات كەچۈرىدىغان بىپايان كۆپكۆك دېڭىز بۇلۇتلىرى، دولقۇنلىرى، يەلكەنلەرنى قوزغىتىدىغان شاماللىرى شۇنداقلا كېچە ئاسمىنىدىكى يۇلتۇزلىرى بىلەن ھەقىقەتەنمۇ ئۆزگىچە دۇنيا…