رەئىسىنىڭ مېيىتى يەرلىككە قويۇلدى

تۈركىيە ئاۋازى رادىيوسى خەۋىرى: ئىبراھىم رەئىسىنىڭ مېيىتى تەبرىز، قۇم، تېھران ۋە بىرجەند شەھەرلىرىدە ئۆتكۈزۈلگەن ۋىدالىشىش مۇراسىملىرىدىن كېيىن، تۈنۈگۈن (23-ماي) مەشھەد شەھىرىگە ئېلىپ كېلىنىپ يەرلىككە قويۇلدى.

ئىبراھىم رەئىسى 19-ماي (2024) ئەزەربەيجان چېگراسىدىكى سۇ توسمىسىنىڭ ئېچىلىش مۇراسىمىغا قاتنىشىپ قايتىۋاتقىنىدا، شەرقىي ئەزەربەيجان ئىشتاتىدا تىك ئۇچار چۈشۈپ كېتىپ جېنىدىن ئايرىلغان ئىدى. رەئىسىگە ھەمراھ بولغان تاشقى ئىشلار مىنىستىرى ھۈسەيىن ئەمىر ئابدۇللاھىياننىڭ مېيىتى رەي شەھىرىدە يەرلىككە قويۇلدى.