столтенберг: җиддийчиликләр улғийиватиду... мудапиә хамчотимизни ашурушимиз керәк

түркийә авази радийоси хәвири: баш катип йенс столтенберг белгийәниң пайтәхти бирйусселдики нато баш иштабида голландийә вақитлиқ һөкүмити баш министири марк руте, данийә баш министири метте фредериксен вә чехийә баш министири петр билән қошма мухбирларни күтүвелиш йиғини өткүзди.

баш катип бир мухбирниң «иран билән исраилийә оттурисидики сүркилиш район характерлик тоқунушқа айлиниш хәвпи астида туруватқан һазирқидәк шараитта, ғәрбниң украина вә оттура шәрқтики тоқунушни бир тәрәп қилалайдиған һава мудапиә системиси барм, йоқ?» дегән соалиға җаваб берип, «нато иттипақдашлири бу иқтидарға игә. биз бирликтә дунйаниң һәрбий күчиниң %50 гә вәкиллик қиливатимиз, бизниң күчлүк иттипақдашлиримиз бар» деди.

украинада давамлишиватқан уруш вә оттура шәрқтики тоқунушларниң натониң мудапиә чиқимини ашуруш нишаниниң муһимлиқини оттуриға қойғанлиқини билдүргән баш катип столтенберг: «мудапиә чиқимимизни көпәйтишимиз керәк, җиддийчилик күнсери күчийиватиду, иттипақдашларниң қиливатқини дәл бу» деди.