булғарийә билән руминийә бүгүндин етибарән шенген визасиз сайаһәт райониға киргүзүлди

түркийә авази радийоси хәвири: йавропа иттипақи комитети рәиси урсула вон дер лейен X һесабида  елан қилған байанатида, булғарийә вә руминийәниң шенген визасиз сайаһәт райониға киргүзүлгәнликини шундақла бүгүндин етибарән һава вә деңиз чегра контрол нуқтилириниң әмәлдин қалдурулғанлиқини җакарлиди.

вон дер лейен буниң йавропа миқйасида милйонлиған йавропа иттипақи пуқралириға пайда елип келидиғанлиқини вә шенген визасиз сайаһәт райониниң техиму күчәйтидиғанлиқини билдүрди.

йавропа иттипақи комитетиниң ички ишларға мәсул әзаси йлва йоһансонму кейинки басқучта қуруқлуқ чегралиридики контрол нуқтилириниңму әмәлдин қалдурилидиғанлиқини, бу мәсилиниң әза дөләтләр оттурисидики сөһбәләрдә мушу йилниң ахриғичә музакирә қилинидиғанлиқини уқтурди.

руминийә вә булғарийә 2007 - йили йавропа иттипақиға әза болған  болуп, авистирийә узундин буйан қанунсиз көчмәнләрниң көпийишидин әнсирәп икки дөләтниң шенгенға қошулушиға қарши чиқип кәлгән иди.

өзара келишим өткән йилиниң ахирида һасил қилинған иди.