йавропа кеңиши украинаға 5 милйард йавролуқ йардәм бериш пиланини тәстиқлиди
йавропа иттипақи кеңиши икки йилдин көпрәк вақиттин буйан русийәгә қарши җәң қиливатқан украинаға һәрбий йардәм беришкә ишлитилидиған мәбләғниң соммисиниң 5 милйард йавро көпәйтилидиғанлиқини елан қилди.
түркийә авази радийоси хәвири: йавропа иттипақи кеңиши байанат елан қилип, «йавропа тинчлиқ фонди» намлиқ пул-муамилә фондиниң мәблиғиниң 5 милйард йавро көпәйтилип, униң даирисидә «украина йардәм фонди» қурулғанлиқини уқтурди.
байанатта көрситилишичә, украина йардәм фонди, һәрбий үскүниләр вә мәшиқләр арқилиқ украина қораллиқ қисимлириниң еһтийаҗини қандурушни мәқсәт қилидикән.
йавропа иттипақиниң ташқи мунасивәт вә бихәтәрлик сийасити бойичә алий вәкили җосеп боррел бу қарарниң йавропа иттипақиниң вәдисини әмәлгә ашурғанлиқиниң ипадиси икәнликини оттуриға қойуп: «бу фонди арқилиқ биз украинаниң русийәгә қарши урушта өзини қоғдиши үчүн керәклик йардәмләрни узунғичә беришни давамлаштуримиз» деди.
бу қарардин кейин, йавропа тинчлиқ фондиниң 2021-2027-йиллиқ малийә йуқири чеки 17 милйард йавродин ешип кәтти.
йавропа иттипақиниң украина армийәсини тәминлигән омумий йардәм миқдариниң 33 милйард йавроға йәткәнлики мөлчәрләнмәктә.
