қанунсиз йәһудий көчмәнләр ғәрбий қирғақта икки пәләстинликни йаридар қилди
қанунсиз йәһудий көчмәнләр ишғалийәт астидики ғәрбий қирғақниң рамаллаһ вә әлхәлил шәһәрлиридики пәләстинликләр турушлуқ олтурақ районларға һуҗум қилип, маддий зийан салди вә икки пәләстинликни йаридар қилди.
түркийә авази радийоси хәвири: рамаллаһниң шәрқидики раммон йеза башлиқи ибраһим сулайман йәһудий көчмәнләрниң йезидики пәләстинлик деһқанлар җайлашқан районға һуҗум қилғанлиқини, һуҗумда икки пәләстинликниң йариланғанлиқини билдүрди.
ибраһим сулайман исраилийә әскәрлириниң бир пәләстинликни тутуп кәткәнликини тилға елип, йәһудий көчмәнләрниң қойларни оғрилаш үчүн икки пәләстинлик аилә турушлуқ бинаға һуҗум қилғанлиқини, йәрлик аһалиләрниң оғрилиқниң алдини елишқа тиришқанлиқини ейтти.
раммон йезисида йәһудий көчмәнләрниң һуҗумида йариланған вә йүзи қанға бойалған пәләстинликниң син көрүнүши, пәләстин азадлиқ тәшкилати (FKÖ) ға тәвә «айрилиш теми» (номус теми) вә йәһудий қарнунсиз олтурақ район қурулишиға қарши күрәш кеңишиниң фейсбук бетидә елан қилинди.
йәнә бир тәрәптин, кеңәш ғәрбий қирғақниң җәнубидики йәһудий көчмәнләрниң исраилийә әскәрлириниң қораллиқ қоғдиши астида, әлхәлилниң җәнубидики масафәр йатта райониға җайлашқан сусийа йезисида чарва маллирини пәләстинликләрниң деһқанчилиқ йәрлиридә вә мунбәт зәйтун дәрихи бар бағлирида отлатқанлиқини билдүрди.
