پېسكوۋ رۇسىيە-تۈركىيە مۇناسىۋەتلىرى توغرىسىدا توختالدى

تۈركىيە ئاۋازى رادىيوسى خەۋىرى: رۇسىيە پىرېزىدېنتلىق مەھكىمىسى — كىرېمىل باياناتچىسى دىمىترىي پېسكوۋ مۇخبىرلارغا كۈنتەرتىپتىكى مەسىلىلەر توغرىسىدا بايانات بەردى.

ئۇ رۇسىيە پىرېزىدېنتى ۋىلادىمىر پۇتىننىڭ پىلانلىنىۋاتقان تۈركىيە زىيارىتىنىڭ ۋاقتىنىڭ تېخى بېكىتىلمىگەنلىكىنى، بۇنىڭ دىپلوماتىك يوللار ئارقىلىق بېكىتىلىدىغانلىقىنى بىلدۈردى ۋە سۆزىنى داۋاملاشتۇرۇپ: «پۇتىن بىلەن ئەردوغاننىڭ ئىزچىل ئالاقىلىشىپ تۇرۇشىغا ئېھتىياج بار. بۇ ئالاقە ئىككى دۆلەت مۇناسىۋىتى ئۈچۈن مۇھىم. ئۇلار، زۆرۈر تېپىلغاندا، تېلېفوندا پاراڭلىشالايدۇ» دېگەنلەرنى قەيت قىلدى.