زاخاروۋا ئىسرائىلىيە باش ئەلچىسىنىڭ سۆزلىرىگە نارازىلىق بىلدۈردى

تۈركىيە ئاۋازى رادىيوسى خەۋىرى: رۇسىيە تاشقى ئىشلار مىنىستىرلىقى باياناتچىسى مارىيا زاخاروۋا ئىسرائىلىيەنىڭ موسكۋادا تۇرۇشلۇق باش ئەلچىسىنىڭ سۆزلىرىگە نارازىلىق بىلدۈرۈپ: «تۈنۈگۈن ئىسرائىلىيەنىڭ موسكۋادا تۇرۇشلۇق باش ئەلچىسىنىڭ سۆزىنى ئاڭلاپ ھەيران قالدۇق. ئۇنىڭ سۆزىگە قارىغاندا، تارقاقلاشتۇرۇشقا تېگىشلىك رۇسىيە پۇقرالىرىنىڭ تىزىملىكىنى تەييارلاشقا ئىككى ھەپتە ۋاقىت كېتىشى مۇمكىن ئىكەن. بۇ لوگىكىنى قەتئىي قوبۇل قىلغىلى بولمايدۇ» دېدى.