шиветсийәдә қуранниң көйдүрүлүшини тосмақчи болған пакистанлиққа, сақчилар қопаллиқ билән арилашти
шиветсийәниң пайтәхти стокһолмда қуран кәримниң көйдүрүлүшини тосуп қелиш үчүн йаш төккән теги пакистанлиқ малик шаһза, сақчиларниң арилишишиға учриди.
түркийә авази радйоси хәвири: әсли пакистанлиқ малик шаһза теги ирақлиқ салман момиканиң пакистан әлчиханиси алдида қуран кәримни көйдүрүшигә наразилиқ билдүрди.
малик шаһза бихәтәрлик сизиқиниң арқисида туруп момикаға варқириған һалда: «өтүнүп қалай, қуранни көйдүрмигин, қиливатқиниң йахши иш әмәс, мән өзүмни йахши һес қилалмайватимән, кечилири ухлийалмайватимән. мән йүрәк оператсийәси қилдурған бир адәм. немә үчүн қуран кәримни көйдүрүшни давамлаштурисән? сән немә үчүн мениң өйүм һесаблинидиған пакистан әлчиханиси алдида қуран кәримни көйдүрисән? мән кесәл, (бу ишлириң түпәйли) ухлийалмайдиған болуп қалдим, өтүнүп қалай, бу ишни тохтат. сақчилар немә үчүн буниңға рухсәт қилиду?» дәп йаш төкти.
сақчилар малик шаһзани тутуп, мәҗбурий сүкүт қилдүрүп, райондин йирақлаштурди вә қисқа вақит назарәткә алди.
момика болса, паалийәттин кейин сақчи аптомобили билән нәқ мәйдандин айрилди. момикаға 10 биронивекни өз ичигә алған җәмий 20 сақчи аптомобили вә тәхминән 100 сақчи һәмраһ болди.
