гиретсийәдики от апитидә җенидин айрилғанларниң көпинчиси көчмәнләр
гиретсийәниң дәдәағач (александруполис) районида көйүп күлгә айланған дадийа орманида, қанунсиз көчмәнләрниң икәнлики тәхмин қилинған бир җәсәтниң тепилғанлиқи билдүрүлди.
түркийә авази радийоси хәвири: бүгүн (2023-йили 25-авғуст) каваҗик (ләфкими) йезисидики көйүп кәткән орманлиқта бир җәсәт тепилди.
әдлийәлик тәкшүрүш үчүн дохтурханиға әвәтилгән җәсәтниң мәрич дәрйаси арқилиқ гиретсийәәә өтмәкчи болған қанунсиз көчмәнниң икәнлики тәхмин қилинмақта.
гиретсийәдә 19-авғуст (2023) тин буйан давамлишиватқан орман от апәтлири пүтүнләй контроллуқ астиға елиналмиған болсиму, йәттинчи күнидә тәсирини йоқатти.
вийотийада 21-авғустта бир падичи билән мәрич районидики каваҗик (ләфкими) та бир қанунсиз көчмән җенидин айрилған иди. 22-авғустта болса, дадийа орманида мәрич дәрйасидин гиретсийәгә өтмәкчи болған вә қанунсиз көчмәнләрниң икәнлики тәхмин қилинған 18 кишиниң җәсити тепилған иди. буларниң ичидә икки кичик балиниң җәсити бар иди.
буниң билән, гиретсийәдә орман от апәтлиридә җенидин айрилғанларниң сани 21 гә чиққан болди.
гиретсийәдә орман от апәтлириниң бир қанчә күнгичә өчүрүләлмигәнликигә наразилиқ билдүрүлди.
бир гуруппа намайишчи пайтәхт афенада, отниң контрол қилалмаслиқниң сәвәбиниң йалғузла килимат өзгириши әмәсликини қәйт қилди.
намайишчилар пажарни идарисидики хадимлар вә үскүниләрниң йетәрсизликини тәнқид қилди вә апәттә җенидин айрилғанлар үчүн адаләт тәләп қилди.
