блинкен түркийәниң ашлиқ каридори келишимидики ролини тәкитлиди
америка қошма иштатлири ташқи ишлар министири антони блинкен, қара деңиз ашлиқ каридори келишими мәсилисидә түркийәниң «рәһбәрлик ролини йәнә бир қетим үстигә елиши»ни үмид қилидиғанлиқини ейтти.
түркийә авази радийоси хәвири: министир антони блинкен американиң колорадо иштатида давам қиливатқан аспен бихәтәрлик мунбиридики сөзи әснасида, түркийәниң қара деңиз ашлиқ келишимидики роли үстидә тохтилип, «түркийә дәсләпки қәдәмдә бирләшкән дөләтләр тәшкилати (б д т) баш катипи антонио гутеррес билән йеқиндин һәмкарлишип, келишимни барлиққа кәлтүрүштә муһим рол ойниди, қалтис хизмәтләрни қилди... шуңа, биз түркийәниң бурунқиға охшаш йол тутуп, дунйаниң һәр қайси җайлиридики кишиләр еһтийаҗлиқ болуватқан йемәкликни әрзан баһада сетивелишиға капаләтлик қилиш үчүн, бу ишни әслигә кәлтүрүштики рәһбәрлик ролини җари қилдурушини үмид қилимиз» деди.
түркийәниң русийә ашлиқ келишимидин чекинип чиққан җәрйандики келишимни сақлап қелиш тиришчанлиқини тилға алған министир антони блинкен, җумһур рәис рәҗәп таййип әрдоғанниң русийәни ашлиқ келишимигә қайтуруп келиш мәқситидә русийә пирезиденти виладимир путин билән көрүшкәнликигиму ишарәт қилип өтти.
