ئامېرىكا قىسىملىرى سۈرىيەنىڭ شەرقىدە ئىككى دائېش كاتتىبېشىنى ئۇجۇقتۇردى

تۈركىيە ئاۋازى رادىيوسى خەۋىرى: ئامېرىكا مەركىزىي قوماندانلىق ئىشتابىنىڭ يازما باياناتىدا، «ئامېرىكا مەركىزىي قوماندانلىق ئىشتابىغا تەۋە  قىسىملار 11 – دېكابىردا (2022) شۇ يەرنىڭ ۋاقتى 02:57 دە سۈرىيەنىڭ شەرقىدە مۇۋەپپەقىيەتلىك ھالدا تىك ئۇچار بىلەن ھۇجۇم ئېلىپ باردى. دائېشنىڭ سۈرىيەنىڭ شەرقىدىكى سۇيىقەستلىرى ۋە ھەرىكەتلىرىگە قاتناشقان شۇنداقلا تەشكىلاتنىڭ سۈرىيە ئۆلكىلىك باشلىقى ئەنەسنىمۇ ئۆز ئىچىگە ئالغان ئىككى نەپەر دائېىش كاتتىبېشى ئۇجۇقتۇرۇلدى» دېيىلدى.

باياناتتا، بۇ ھەرىكەتنىڭ ئامېرىكا ئەسكەرلىرى تەرىپىدىن مۇستەقىل ئېلىپ بېرىلغانلىقى ۋە دەسلەپكى ئېنىقلاشلارغا ئاساسلانغاندا، ھەرىكەت جەريانىدا پۇقرالارنىڭ ئۆلۈش ياكى يارىلىنىش ئەھۋالىنىڭ كۆرۈلمىگەنلىكى بىلدۈرۈلدى.

باياناتتا، ھەرىكەتنىڭ قايسى ۋىلايەت ۋە رايوندا ئېلىپ بېرىلغانلىقى ھەققىدە ئېنىق مەلۇمات بېرىلمىدى. ھەرىكەتتىكى نۇقتىلىق نىشاننىڭ قايسى دائېش كاتتىبېشى ئىكەنلىكىمۇ  ئۇقتۇرۇلمىدى.