بۇلغارىيە: تۈركىيەدىن كېلىدىغانلار كوۋىد -19 ۋاكسىنىسى گۇۋاھنامىسىنى كۆرسەتمىسىمۇ بولىدۇ
بۇلغارىيە سەھىيە مىنىستىرلىقى تۈركىيەدىن كېلىدىغانلارغا يۈرگۈزۈلۈپ كەلگەن كوۋىد -19 ۋاكسىنىسى گۇۋاھنامىسىنى كۆرسىتىش مەجبۇرىيىتىنى بۈگۈندىن ئېتىبارەن بىكار قىلدى.
1811786
![بۇلغارىيە: تۈركىيەدىن كېلىدىغانلار كوۋىد -19 ۋاكسىنىسى گۇۋاھنامىسىنى كۆرسەتمىسىمۇ بولىدۇ](http://cdn.trt.net.tr/images/xlarge/rectangle/f71f/2447/7aa3/625689a7936c0.jpg?time=1719306244)
تۈركىيە ئاۋازى رادىيوسى خەۋىرى: بۇلغارىيە سەھىيە مىنىستىرى ئاسېنا سېربېزوۋا باياناتىدا، بۈگۈندىن باشلاپ تۈركىيەدىن باشقا يەنە، شىمالىي ماكېدونىيە، رۇمىنىيە، سېربىيە، ۋېنگىرىيە، چېخ، سلوۋاكىيە، ئىسرائىلىيە ۋە مىسىردىن كېلىدىغانلار ئۈچۈنمۇ كوۋىد -19 ۋاكسىنىسى گۇۋاھنامىسىىنى كۆرسىتىش مەجبۇرىيىتى كەچۈرۈم قىلىنىدىغانلىقىنى ئېلان قىلدى.
سېربېزوۋا بۇ قارارنامە بىلەن دۆلەتتىكى ھەر خىل خەلقئارالىق تەتقىقاتلارغا قاتنىشىش ئۈچۈن ئىتتىپاقداش ناتو دۆلەتلىرىدىن كېلىدىغان كىشىلەرنىڭمۇ كوۋىد -19 ۋاكسىنىسى گۇۋاھنامىسىىنى كۆرسىتىش مەجبۇرىيىتى بولمايدىغانلىقىنى بىلدۈردى.
بۇلغارىيەدە كوۋىد -19 غا مۇناسىۋەتلىك ئىلگىرى ئېلان قىلىنغان «پەۋقۇلئاددە يۇقۇم ۋەزىيىتى» 1-ئاپرېلدىن باشلاپ ئەمەلدىن قالدۇرۇلغان ئىدى.