америка қатарлиқ 6 дөләт хәвпсизлик кеңишини украина тоғрисида йиғин ечишқа чақирди
америка қатарлиқ 6 дөләт русийәниң украинада «уруш җинайити» садир қилғанлиқини оттуриға қойуп, бирләшкән дөләтләр тәшкилати хәвпсизлик кеңишини бүгүн йиғин ечип бу мәсилини музакирә қилишқа чақирди.
түркийә авази радийоси хәвири: әнглийәниң б д т дики даимий вакаләтханиси твиттердики адресида байанат елан қилип, әнглийә, америка, фирансийә, иреландийә, норвегийә вә албанийә қатарлиқ 6 дөләтниң б д т хәвпсизлик кеңишини украина тоғрисида йиғин ечишқа чақирғанлиқини уқтурди.
байанатта: «русийә уруш җинайити садир қиливатиду вә пуқраларни зәрбә обейкти қиливатиду. русийәниң қанунсиз уруши һәммимизгә тәһдит селиватиду» дегән ибариләргә орун берилди.
б д т ниң доклатиға қариғанда, русийәниң украинаға қарши ачқан урушида һазирғичә 726 пуқра һайатидин айрилған, 1174 пуқра йариланған, һуҗумдин кейин, 3 милйон 100 миң мусапир қошна дөләтләргә қечип кәткән.
русийә армийәси 24-феврал украинаға бесип кирип, ишғал һәрикити башлиғаниди.
مۇناسىۋەتلىك خەۋەرلەر
америка – хитай дөләт мудапиә министирлири сингапорда көрүшиду
америка – хитай дөләт мудапиә министирлири келәр һәптә сингапорда тунҗи қетим йүзтуранә көрүшиду.
