ئىتالىيە لىۋىيەدىكى كوللېكتىپ ھالدا كۆمۈۋېتىلگەنلەرنىڭ مۇستەقىل تەكشۈرۈلىشىنى تەلەپ قىلدى
ئىتالىيە لىۋىيەنىڭ تەرخۇنە شەھىرىدە تېپىلغان كوللېكتىپ مازارلارنى «مۇستەقىل ۋە ئوچۇق – ئاشكارا تەكشۈرۈش» چاقىرىقى ئېلان قىلدى.
![ئىتالىيە لىۋىيەدىكى كوللېكتىپ ھالدا كۆمۈۋېتىلگەنلەرنىڭ مۇستەقىل تەكشۈرۈلىشىنى تەلەپ قىلدى](http://cdn.trt.net.tr/images/xlarge/rectangle/79ef/2509/dcfa/5ee9b7d425184.jpg?time=1719353370)
تۈركىيە ئاۋازى رادىيوسى خەۋىرى: ئىتالىيە تاشقى ئىشلار مىنىستىرلىقىنىڭ يازما باياناتىدا، «ئىتالىيە ھۆكۈمىتى تەرخۇنە رايونىدا نۇرغۇن ساندىكى كوللېكتىپ قەبرىلەرنىڭ تېپىلغانلىقى سەۋەبىدىن ئىنتايىن چۆچىگەنلىكىنى بىلدۈرىدۇ» دېيىلدى.
باياناتتا يەنە مۇنداق دەپ دېيىلدى:
«ئىتالىيە مۇستەقىل ۋە ئاشكارا تەكشۈرۈشنىڭ باشلىنىشىنى ۋە جاۋابكارلارنىڭ جازالىنىشىنى تەلەپ قىلىدۇ. ئىتالىيە لىۋىيە توقۇنۇشىغا قاتناشقان ھەر قايسى تەرەپلەرنى كىشىلىك ھوقۇق ۋە خەلقئارا ئىنسانپەرۋەرلىك قانۇنىغا تولۇق ھۆرمەت قىلىشقا چاقىرىدۇ»
لىۋىيە ئارمىيىسى 5 – ئىيۇندا تەرخۇنەنى دۆلەتنىڭ شەرقىدىكى قانۇنسىز قوراللىق كۈچلەرنىڭ رەھبىرى خەلىپە ھافتەرگە تەۋە قوراللىق ئۇنسۇرلاردىن تازىلاپ شەھەرلىك دوختۇرخانا ئەتراپىدا 106 جەسەتنى بايقىغان ۋە 12 - ئىيۇندا شەھەرگە قاراشلىق يېزىلاردا 3 كوللېكتىپ قەبرىنى ئېنىقلاپ چىققان ئىدى.