ۋۇخەن ۋىرۇسىنىڭ ئوتتۇرا شەرق ۋە كورېيەدىكى تارقىلىشى ئەندىشە ياراتماقتا

تۈركىيە ئاۋازى رادىيوسى خەۋىرى: ئىران سەھىيە مىنىستىرى سەئىد نەمەككى ۋۇخەن ۋىرۇسىغا قارشى كۈرەش ئۈچۈن مەملىكەتلىك سەپەرۋەرلىكنى باشلايدىغانلىقىنى ۋە 2 كۈن ئىچىدە 300 مىڭ ئەترەت تەشكىللەپ ئائىلىلەردە سالامەتلىك تەكشۈرۈشنى باشلايدىغانلىقىنى بايان قىلدى.

ئىراقتا ئىلگىرى 13 كىشىدە ۋىرۇس بايقالغان بولۇپ، سەھىيە مىنىستىرلىقىنىڭ بۈگۈنكى يازما باياناتىدا، ئىراندىن قايتىپ كەلگەن يەنە 6 كىشىدە ۋىرۇس بايقالغانلىقى بىلدۈرۈلدى.

كورېيەدىمۇ ۋىرۇس سەۋەبىدىن 20 ئادەم قازا قىلدى ۋە ئومۇمىي يۇقۇملانغانلارنىڭ سانى 3736 گە يەتتى.

يېڭى تىپتىكى (ۋۇخەن ۋىرۇسى) «Kovid -19» بىلەن يۇقۇملانغانلارنىڭ سانى بەھرەيندە 47 گە، لىۋاندا 10 غا ۋە قاتاردا 3 كە يەتتى.

12 - دېكابىر خىتاينىڭ خۇبېي ئۆلكىسىگە قاراشلىق ۋۇخەندە بايقالغان (ۋۇخەن ۋىرۇسى) «Kovid -19» قىسقا ۋاقىت ئىچىدە باشقا شەھەر، رايون ۋە دۆلەتلەرگە تارقالغاندىن كېيىن، دۇنيا سەھىيە تەشكىلاتى «جىددى ھالەت» ئېلان قىلغان ئىدى.

جۈمە كۈنى دۇنيا سەھىيە تەشكىلاتى (ۋۇخەن ۋىرۇسى) «Kovid -19» نىڭ يەرشارىدىكى خەتەر دەرىجىسىنى «يۇقىرى» دىن «ئىنتايىن يۇقىرى» غا كۆتۈرگەنلىكىنى جاكارلىغان ئىدى.