تېررورلۇق تەشكىلاتىدىن قۇتقۇزۇلغان تەل ئەبياد دوختۇرخانىسى مۇلازىمەت باشلىدى

تۈركىيە ئاۋازى رادىيوسى خەۋىرى: سۈرىيەدە تېررورلۇق تەشكىلاتى ي پ گ/ پ ك ك تەرىپىدىن ھەربىي بازىغا ئايلاندۇرۇۋېلىنغان تەل ئەبياد دوختۇرخانىسى تۈركىيە ئارمىيەسى ۋە دۆلەت ئورگانلىرى تەرىپىدىن رېمۇنت قىلىندى.

دۆلەت مۇداپىئە مىنىستىرلىقى تەرىپىدىن ئېلان قىلىنغان باياناتتا، «تېررورلۇق تەشكىلاتى ي پ گ/ پ ك ك تەرىپىدىن ھەربىي بازىغا ئايلاندۇرۇۋېلىنغان تەل ئەبياد دوختۇرخانىسى تۈركىيە ئارمىيەسى ۋە دۆلەت ئورگانلىرى تەرىپىدىن رېمۇنت قىلىنغاندىن كېيىن، سۈرىيەلىك قېرىنداشلىىمىزنىڭ يارىسىغا مەرھەم بولۇشنى داۋاملاشتۇرماقتا. سۇرىيە خەلقىنىڭ خىزمىتىگە سۇنۇلغان تۇغۇت بۆلۈمى سايىسىدە بۇۋاقلار دۇنياغا كۆزلىرىنى بىخەتەر ئاچالايدىغان بولدى» دېيىلدى.