путин американиң асийаға башқурулидиған бомба урунлаштуруш сийасити үстидә тохталди
русийә пирезиденти виладимир путин американиң йапонийә вә җәнубий корейәгә йеңи башқурулидиған бомба урунлаштуруш пиланиниң хәлқара бихәтәрлик саһәсиниң әһвалини техиму начарлаштуридиғанлиқини ейтти.
түркийә авази радийоси хәвири: русийә пирезиденти виладимир путин түркмәнистанниң пайтәхти ашхабадта өткүзүливатқан мустәқил дөләтләр гәвдиси алий дәриҗилик рәһбәрләр йиғинида нутуқ сөзлиди.
путин америка дөләт мудапиә министирлиқиниң асийаға башқурулидиған бомба урунлаштурушқа тәййарлиқ қилватқанлиқини елан қилғанлиқини әскәртип, американиң йапонийә вә җонубие корейә билән музакириләрни давамлаштуруриватқанлиқини билдүрди.
путин йәнә мундақ деди:
«бундақ әһалда биринҗи дәриҗилик һуҗум нишаниниң ким болидиғанлиқи һәммәйләнгә ениқ. бу иш бизни һәргиз мәмнун қилмайду. чүнки бу иш бизгиму мунасвәтлик. башқурулидиған бомбилар зади қәйәргә орунлаштурилиду? буниңға қаришимиз лазим. лекин бу башқурулидиған бомбиларниң мусаписи бизниң тирреторийәмизгиму йетип баралайду. шуңа бу ишларниң һәммиси хәлқара бихәтәрлик саһәсиниң әһвалини оңшаш уйақта турсун, техиму начарлаштуриветиду»
путин американиң оттура мусапилиқ йардо күчләр келишимидин чекинип чиқип кетишиниң дунйаниң бихәтәрликини техиму начар һалға кәлтүрүп қойғанлиқини тәкитләп, американиң бу җәһәттики баһанисиниң әслидә «асийа сийасити» икәнликини билдүрди.
