ғәззәдә исраилийәниң қәтлиамлирида өлгәнләрниң сани 35 миң 173 кә йәтти

түркийә авази радийоси хәвири:ғәззәдики пәләстин сәһийә министирлиқи тәрипидин елан қилған байанатта, исраилийәниң уда 221 күндин буйан ғәззә районида давамлаштуруватқан һуҗумлири һәққидә мәлумат берилди.

байанатта, исраилийә армийәсиниң йеқинқи 24 саәт ичидә ғәззәниң охшимиған районлирида 8 қетим қәтлиам йүргүзгәнлики, бу қәтлиамлар давамида йәнә 82 пәләстинликниң һайатидин айрилғанлиқи вә 234 пәләстинликниң йариланғанлиқи байан қилинди.

исраилийәниң 7-өктәбирдин башлап ғәззә районида давамлаштуруватқан һуҗумлири давамида қәтл қилинған пәләстинликләр саниниң 35 миң 173 кә, йариланғанлар саниниң 79 миң 61 гә йәткәнлики әскәртилди.

байанатта йәнә, харабиликләрниң астида вә йол бойлиридиму өлүкләрниң барлиқи, әмма исраилийә әскәрлириниң тосалғу болуши сәвәбидин давалаш әтрәтлири билән хәлқ мудапиә хадимлириниң җәсәтләрни алалмайватқанлиқи тәкитләнди.