بۇركىنا فاسودا چېركاۋغا قىلىنغان ھۇجۇمدا نۇرغۇن كىشى ئۆلدى
بۇركىنا فاسودا بىر كاتولىك چېركاۋىغا قىلىنغان ھۇجۇمدا 7 كىشى ھاياتىدىن ئايرىلدى.
![بۇركىنا فاسودا چېركاۋغا قىلىنغان ھۇجۇمدا نۇرغۇن كىشى ئۆلدى](http://cdn.trt.net.tr/images/xlarge/rectangle/363d/f7b3/d14f/5cd91075b6a4c.jpg?time=1719060100)
تۈركىيە ئاۋازى رادىيوسى خەۋىرى: يەرلىك مەنبەلەرنىڭ بىلدۈرۈشىچە، بۇركىنا فاسونىڭ سانماتېنگا ئۆلكىسىدىكى دابلو رايونىدا قوراللىق كىشىلەرنىڭ كاتولىكلارغا ئائىت بىر چېركاۋغا ھۇجۇم قىلىشى نەتىجىسىدە 7 كىشى ھاياتىدىن ئايرىلغان.
دۆلەتنىڭ شىمالىدىكى سوئۇم ئۆلكىسىگە قاراشلىق سىلگادى رايونىدا 28 – ئاپرېل كۈنى پىروتېستانتلارغا ئائىت بىر چېركاۋغا قىلىنغان ھۇجۇمدىمۇ 5 كىشى قازا قىلغانىدى.
ئىگىلىنىشىچە، بۇركىنا فاسودا 2015 – يىلدىن بۇيان داۋاملىق تېررورلۇق ھۇجۇملىرى يۈ زبېرىدىغان بولۇپ، ئىلگىرى دۆلەتنىڭ شىمالىي قىسمىدا ۋە ساھېل رايونىدا كۆپ مەيدانغا كېلىدىغان ھۇجۇملار، كېيىنچە دۆلەتنىڭ غەربىي ۋە ئوتتۇرا قىسىملىرىغىمۇ كېڭەيگەن.
رەسمىي مەلۇماتلارغا قارىغاندا، يېقىنقى 4 يىل ئىچىدە يۈز بەرگەن تېررورلۇق ھۇجۇملىرىدا 400 گە يېقىن كىشى ھاياتىدىن ئايرىلغان.
دۆلەتنىڭ 13 – رايونىدىن 17 سىدە 1 – يانۋاردىن باشلاپ جىددىي ھالەت ئېلان قىلىنغانىدى.