ياپونىيەدە يانار تاغ پارتلىدى

تۈركىيە ئاۋازى رادىيوسى خەۋىرى: كىيودو ئاگېنتلىقى، ياپونىيە مېتېئورولوگىيە ئىدارىسى تەرىپىدىن ئېلان قىلىنغان باياناتتا، شىنداكە يانار تېغىنىڭ ئەتىگەن سەھەردە پارتلىغانلىقى بىلدۈرۈلگەنلىكىنى خەۋەر قىلدى. 

يانار تاغدىن ئۆرلىگەن كۈل ۋە ئىس – تۈتەكلەر 500 مېتىرغىچە يېتىپ باردى.

ئارالدا ئاگاھلاندۇرۇش سىگنالىنىڭ سەۋىيەسى 3 كە چىقىرىلدى.

باياناتتا، ۋولقان ئېقىنلىرىنىڭ بولسا، ۋولقان ئېغىزىدىن بىر يېرىم كېلو مېتىرگىچە يېتىپ بارغانلىقى ۋە ئارالدىكى خەلقنىڭ بىخەتەر ئىكەنلىكى تەكىتلەندى.

شىنداكە يانار تېغى ئىلگىرى 2015 – يىلى ماي ئېيىدىمۇ پارتلىغان ۋە ئارال خەلقى ۋاقىتلىق باشقا جايغا كۆچۈرىلگەن ئىدى.