мәккә – мәдинә ариси 1 саәткә чүшти
мәккә – мәдинә арисидики мусапини тәхминән 1 саәткә чүширидиған һәрәмәйн тез сүрәтлик пойиз лайиһәси линийәси ечилди.
түркийә авази радийоси хәвири: сәуди әрәбистанда оттура шәрқниң әң чоң қатнаш лайиһәлиридин бирси һесаблинидиған һаҗилар вә өмрә қилғучиларниң келип - кетишини асанлаштуридиған һәрәмәйн тез сүрәтлик пойиз лайиһәси рәсмий хизмәткә чүшти.
сәудий әрәбистанниң рәсмий хәвәр агентлиқи «SPA» ниң хәвәр қилишичә, җиддидә һәрәмәйн тез сүрәтлик пойиз линийәсиниң ечилиш линтисини падишаһ сәлман бин абдуләзиз кәскәндин кейин, пойизға олтуруп мәдинигә барған.
сәуди әрәбистан қатнаш министири нәбил бин муһәммәд әл умиди муқәддәс земинға сәпәр қилғучиларға мулазимәт қилип, тез сүрәт пойиз линийәсиниң ечилғанлиқини җакарлаштин иптихар һес қилғанлиқини тилға алди. у мундақ деди:
«һәрәмәйн тез сүрәтлик пойизиниң мәккә, җиддә, падишаһ абдуллаһ иқтисад шәһири, падишаһ абдуләзиз хәлқара айродоруми вә мәдинә қатарлиқ җәмий 5 бекити болиду»
снаәт районлири, айродорум вә шәһәр мәркәзлирини бир биригә туташтуридиған 450 кело метирлиқ тиз сүрәтлик пойиз линийәси, нормалдики 4 саәтлик мусапини саитигә 300 кело метирлиқ сүрәт билән бесип 1 саәт 20 минутта тамамлайду.
биринчи вә ахириқи бекити мәккә билән мәдинә болиду.
бекәт биналири чедир түсидә йасалған болуп, рәңги мәккидә сериқ, мәдинидә йешил, җиддидә болса, күл рәңлик қилип лайиһәләнди.
сәуди әрәбистан алдинқи йили 2 милйон 400 миңға йеқин һаҗи вә 7 милйон әтрапида өмрә қилғучиларни күтүвалған иди.
