б д т «сребренитса ирқий қирғинчилиқи күни» қарар лайиһәсини мақуллиди

түркийә авази радийоси хәвири: германийә вә риванда тәрипидин сунулған, түркийә қатарлиқ 40 нәччә дөләт бирликтә оттуриға қойған қарар лайиһәси, 193 әзадин тәшкил тапқан бирләшкән дөләтләр тәшкилати омумий кеңишидә 19 ға қарши 84 аваз билән қобул қилинди.

қарар лайиһәсидә, « сребренитса ирқий қирғинчилиқи» ни инкар қилиш, инсанийәткә қарши җинайәт садир қилиш, ирқий қирғинчилиқ вә уруш җинайәтчилирини әтиварлаш қилмишлири әйибләнди.

ирқий қирғинчилиқниң зийанкәшликигә учриғанларни ениқлап чиқиш вә уларниң җәсәтлирини тепиш үчүн давамлиқ тиришчанлиқ көрситишниң муһимлиқи тәкитләнди,  техичә сотқа тартилмиған «сребренитса ирқий қирғинчилиқи» ниң җавабкарлирини давамлиқ сүрүштә қилиш тәләп қилинди.

қарар лайиһәсидә йәнә, һәр йили 11 - ийул «сребренитса ирқий қирғинчилиқини хатириләш күни» дә һәм зийанкәшликкә учриғучиларни хатириләш һәмдә кишиләрниң бу һәқтики еңини өстүрүп, мәлуматлирини көпәйтиштә түрткилик рол ойнайдиған паалийәтләрни тәшкилләш тәләп қилинди. шундақла ирқий қирғинчилиқ җинайәтчилирини җазалаш җәрйанида хәлқара қанунға асасән һечқандақ етник, диний йаки башқа гуруппа вә җәмийәтниң нишан қилинмиғанлиқи, бу һәқтә хәлқара қанун бойичә иш көрүшниң муһимлиқи тәкитләнди.

«сребренитса ирқий қирғинчилиқи» ниң арқа көрүнүши

сребренитса райони 1995-йили 7-айниң 11-күни ратко младичниң қоманданлиқидики сербийә қисимлири тәрипидин ишғал қилғандин кейинла, бирләшкән дөләтләр тәшкилати қармиқидики голландийәлик әскәрләрдин панаһлиқ тилигән бошнақ (боснийәлик) пуқралар сербларға тапшуруп берилди.

айаллар вә балиларниң бошнақ әскәрләрниң контроллуқидики районға беришиға йол қойған серблар, кәм дегәндә 8 миң 372 бошнақ әрни орманлиқ, завут вә амбарларда өлтүрди, өлтүрүлгән кишиләраммиви қәбриләргә дәпнә қилинди.

лаһейдики хәлқара җинайи ишларсот мәһкимиси 2007-йилдики қарарида, сабиқ йугославийә хәлқара җинайи ишлар соти сунған дәлил - испатларға асасән, сребренитса райони вә әтрапида садир қилинған җинайәтләрни «ирқий қирғинчилиқ» дәп атиди.

игилинишичә, сребренитса районидики ирқий қирғинчилиқ давамида һайатидин айрилғанлар арисида техичә кимлики ениқланмиған вә җәсити тепилмиған 1600 дин артуқ адәм бар  икән.