«چەت كۈچلەرنىڭ ئويۇنىنى بىتچىت قىلدۇق»
ئىراننىڭ دىنى رەھبىرى ئەلى ھامانېي چەت كۈچلەرنىڭ ئويۇنىنى بىتچىت قىلغانلىقلىرىنى بىلدۈردى.
885099
تۈركىيە ئاۋازى رادىيوسى خەۋىرى: ئىراننىڭ دىنى رەھبىرى ئەلى ھامانېي خەلقنىڭ تەلەپلىرى بىلەن بۇزغۇنچىلىق قىلغانلارنى بىر-بىرىگە ئارىلاشتۇرۇپ قويماسلىق لازىملىقىنى ئەسكەرتتى.
ھامانېي تېھراندا ئۆتكۈزۈلگەن مۇراسىمدا سۆز قىلىپ، دۆلەت مەسئۇللىرىنى خەلقنىڭ ئارزۇ-تەلەپلىرىگە قۇلاق سېلىپ دەردىگە دەرمان بولۇشقا چاقىردى.
ئۇ مۇنداق دېدى: «چەت كۈچلەرنىڭ خەلقىمىزنىڭ يوللۇق تەلەپلىرىنى ئىسيانغا ئايلاندۇرۇش ئويۇنىنى بىتچىت قىلدۇق.»
ئىراندا بۇلتۇر 28-دېكابىردا باشلانغان نامايىشلار سەۋەبتىن تەخمىنەن 3700 ئادەمنىڭ نازارەت ئاستىغا ئېلىنغانلىقى ئۇقتۇرۇلدى.
بىر پارلامېنت ئەزاسى نازارەت ئاستىغا ئېلىنغانلار ئىچىدە 70دەك ئوقۇغۇچىنىڭ بارلىقىنى بىلدۈردى.
ئالاقىدار مەسئۇللارنىڭ بىلدۈرۈشىچە، ئاراق ۋە تېھراندا نازارەت ئاستىدىكى 2 ئادەم ئۆزىنى ئۆلتۈرۈۋالغان.
