даеш русийәниң йуқири дәриҗилик бир генералини өлтүрди
террорлуқ тәшкилати даешниң һуҗумда генерал асапов билән бирликтә йенидики тәрҗимани вә 2 нәпәр полкавникму өлтүрүлди.
түркийә авази радийоси хәвири: русийәниң сүрийәдики йуқири дәриҗилик һәрбий мәслиһәтчилиридин гененрал валерий асапов дойрозур шәһиридә даеш тәрипидин елип берилған минамийут һуҗумида өлтүрүлди.
«Russia Today» гезитиниң хәвридә билдүрүлишичә, русийә дөләт мудапиә министирлиқиниң байанатида, 5 – армийә қомандани генерал асаповниң сүрийәдә даеш тәрипидин елип берилған ракитамийут һуҗумида еғир йаридар болуп, һайатидин айрилғанлиқи елан қилинған.
гененрал валерий асапов дәйризор әтрапидики әсәд қисимлириға мәслиһәтчилик қиливатқан болуп, һуҗум әснасида чөлдики бир һәрбий газармада икәнлики, һуҗумда генерал асапов билән бирликтә йенидики тәрҗимани вә 2 нәпәр полкавникниңму һайатидин айрилғанлиқи қәйт қилинди.
генерал валерий асапов русийәниң сүрийәдики йуқири дәриҗилик һәрбий мәслиһәтчилиридин бирси иди.
русийә муавин ташқи ишлар министири сергей рубков, генералниң өлтүрүлишиниң сәвәби америкиниң икки йүзлимчилик сийаситиниң нәтиҗиси икәнликини ейтти.
