мисир, шәртләр орундалған тәқдирдә қатар билән дийалог өткүзүшкә тәййар икәнликини билдүрди
мисир ташқи ишлар министири сәмиһ шукри, сәуди әрәбистан, әрәб бирләшмә хәлипилики, бәһрәйн вә мисирниң, тәләпләр тизимликигә аваз қошқан тәқдирдә қатар билән дийалог өткүзүшкә тәййар икәнликини ейтти.
түркийә авази радийоси хәвири: б д т ниң нйу йоркта чақирилған 72 – нөвәтлик йиғини даирисидә, мәзкур төт дөләтниң ташқи ишлар министирлири йиғин өткүзди؛ йиғиндин кейин байанат бәргән мисир ташқи ишлар министири сәмиһ шукри, ембарго йүргүзүватқан дөләтләрниң һечкимниң ички ишлириға арилашмиғанлиқини, қатарниңму уларниң ички ишлириға арилашмаслиқи керәкликини ейтти.
сәмиһ шукри, «13 маддилиқ тәләпләр тизимликигә аваз қошулған тәқдирдә, қатар билән дийалог өткүзүшкә тәййармиз» дегәнләрни сөзлиригә илавә қилди.
қатар билән бәзи әрәб әллири арисидики киризис, 5 – ийунда сәуди әрәбистан, мисир, әрәб бирләшмә хәлипилики вә бәһрәйн даирилириниң қатар билән болған пүткүл дипломатик мунасивәтлирини үзүши билән башлиғаниди.
қатарға ембарго йүргүзгән мәзкур төт дөләт, мунасивәтләрниң әслигә келиши үчүн доһа даирилиригә, «әлҗәзирә қанилиниң тақиветилиши» қатарлиқ 13 маддилиқ тәләп тизимликини сунған, қатар тәләпләрниң хәлқара қанунға хилап һечқандақ тәләпниң қобул қилинмайдиғанлиқини җакарлиғаниди.
