يەھۇدىيلار ئەلجەزىرە قانىلى ئىشخانىسىغا باستۇرۇپ كىردى

تۈركىيە ئاۋازى رادىيوسى خەۋىرى: بارۇچ مارزېل ئىسىملىك بىر يەھۇدىي باشلامچىلىقىدىكى مەزكۇر گۇرۇپپا، ئەلجەزىرە قانىلىنىڭ «تېررورلۇق تەشكىلاتىنى قوللىغانلىقى» نى ئىلگىرى سۈرۈپ، ئىسرائىلىيە ھۆكۈمىتىدىن قانالنىڭ ئىشخانىسىنى تاقىۋېتىشىنى تەلەپ قىلدى.

قانال ئىشخانىسىنىڭ تاقىۋېتىلىشى توغرىسىدىكى تەلەپ يېزىلغان بىر لوزۇنكىنى كۆتۈرۈۋالغان مەزكۇر كىشىلەر، ئىشخانىدا قۇترىتىش ماھىيەتلىك سۆزلەرنى قىلغاندىن كېيىن بىنادىن چىقىپ كەتتى.

ئىسرائىلىيە دائىرىلىرى، ھازىرغىچە بۇ ۋەقە توغرىسىدا ھېچقانداق بايانات بەرمىدى.