әлбаб үчүн җәраблус модели
террорлуқ тәшкилати даештин азад қилинған сүрийәниң әлбаб шәһири үчүн җәраблус модели ишқа ашурулиду.
түркийә авази радийоси хәвири: алди билән шәһәрниң асаслиқ еһтийаҗлири нәзәрдә тутулуп, йемәк - ичмәк йардәмлири көпәйтилиду, сәһийә мәсилилири һәл қилиниду.
узундин буйан оттуриға чиқиватқан ток вә ичимлик су мәсилиси алди билән һәл қилишқа тегишлик муһим мәсилиләрдин болуп, зийанға учриған һәр түрлүк ул әслиһә қурулушлири көздин кәчүрүлүп, шәһәр қечиватқан хәлқ үчүн җәзбидарлиқ маканға айландурулиду. йашлар тәрбийәлинип, йәрлик сақчи тәшкилати қурулиду.
тәшкил қилинидиған бир һәйәтму шәһәрдә вә шәһәргә қарашлиқ йеза – қишлақларда сақлиниватқан мәсилиләрни ениқлап чиқиду. түркийә бу басқучта һәр түрлүк арқа сәп капалити хизмитини суниду, дәсләпки еһтийаҗлар қамдалғандин кейин шәһәрдики мәктәпләрму қайтидин селинип, өсмүрләрниң давамлиқ оқуши капаләт астиға елиниду. аһалиниң туралғу еһтийаҗлириму қамдилиду.
