ئافغانىستان ئارمىيەسى پۇقرالارنىڭ جانلىرىغا زامىن بولدى
ئافغانىستاننىڭ ھېلماند ۋىلايىتى سانگىن ناھىيەسىدە ھاۋا ئارمىيەسىنىڭ تالىبانغا قاراتقان ھاۋا ھۇجۇمىدا 18 پۇقرا ھاياتىدىن ئايرىلدى.
671183
![ئافغانىستان ئارمىيەسى پۇقرالارنىڭ جانلىرىغا زامىن بولدى](http://cdn.trt.net.tr/images/xlarge/rectangle/fb82/6637/06e9/5892f5e58a867.jpg?time=1719059559)
تۈركىيە ئاۋازى رادىيوسى خەۋىرى: ب د ت ئافغانىستان ۋاكالەتخانىسى بايانات بېرىپ، ئافغانىستان ئارمىيەسىنىڭ، يېقىنقى مەزگىللەردە ھۇجۇمغا ئۆتكەن تالىبانغا زەربە بېرىش ئۈچۈن، 9-، 10- فېۋرال كۈنلىرى ھېلماندا ئېلىپ بارغان ھاۋا ھۇجۇملىرىدا، ئاساسەن دېگۈدەك ئاياللار ۋە بالىلاردىن تەشكىل تاپقان 18 پۇقرانىڭ ئۆلگەنلىكىنى ئۇقتۇردى.
باياناتتا، شىمالىي ئاتلانتىك ئەھدى تەشكىلاتى – ناتونىڭ ئافغانىستاندىكى ياردەم بەرگۈچى قىسىملىرىنىڭ ۋەقە ئۈستىدە تەكشۈرۈش ئېلىپ بېرىشنى باشلىغانلىقى قەيت قىلىندى.
ب د ت ، ئافغانىستاندىكى بارلىق تەرەپلەرنى ھۇجۇم قىلىش ۋە بارغانچە ئېغىرلىشىپ كېتىۋاتقان پۇقرالارنىڭ ئۆلۈپ كېتىش ھادىسىلىرىنىڭ ئالدىنى ئېلىش ئۈچۈن، خەلقئارا كىشىلىك ھوقۇق دائىرىسىدە ھەرىكەت قىلىشقا چاقىردى.