америкилиқ мусулманлар трампқа наразилиқ билдүрүш үчүн аммиви һалда җүмә намизи оқуди

түркийә авази радийоси хәвири: америка пирезиденти трампниң 7 ислам дөлитидин кәлгәнләрниң америкиға киришини чәкләш вә көчмән қобул қилмаслиқ нишан қилинған қарарнамилиригә наразилиқ билдүрүш йүзисидин аммиви һалда оқулған җүмә намизиға 200 әтрапида мусулман америкилиқ көчмән иштирак қилди.

нийу йорк көчмәнләр бирлики уйуштурған паалийәтни минкивон аммиви һәрикити намлиқ корейәлик вә башқа асийалиқларға хизмәт қиливатқан аммиви тәшкилатларму қоллиди.

намаздин кейин өткүзүлгән паалийәткә һолокост паҗиәсидин қутулуп қалған 91 йашлиқ америкилиқ сузан лоебелму иштирак қилди һәмдә аммиға хитаб қилип мундақ деди: «күнимизниң көчмәнлири вә мусапирлири билән биллимән, дөлитимниң роһини әкс әттүрмәйдиған наһәқ вә адаләтсиз пирезидент қарарнамилириниң бикар қилинишини чин дилимдин үмид қилимән.»