ئامېرىكىدا رىقابەت داۋام قىلماقتا... كىلىنتونمۇ ترامپمۇ؟

تۈركىيە ئاۋازى رادىيوسى خەۋىرى: ئۆتكەن ھەپتە ئۆتكۈزۈلگەن دەسلەپكى قېتىملىق پىرېزىدېنت نامزاتلىرى تېلېۋىزىيە نەق مەيدان مۇنازىرىسىدىن كېيىن ئېلىپ بېرىلغان ئەلرايىنى سىناشتا، دېموكرات پارتىيەنىڭ پىرېزىدېنت نامزاتى ھىلارى كىلىنتون جۇمھۇرىيەتچى پارتىيە پىرېزىدېنت نامزاتى دونالد ترامپنىڭ 5 نومۇر ئالدىغا ئۆتۈپ كەتكەنىدى.

CNN قانىلى بىلەن ORC ئەلرايىنى سىناش شىركىتى ھەمكارلىشىپ ئېلىپ بارغان ئەلرايىنى سىناشتا كىلىنتون %47، ترامپ %42 ئاۋازغا ئېرىشتى.  مەزكۇر ئەلرايى سىنىقىدا يەنە پىرېزىدېنتلىق رىقابىتىگە ئىشتىراك قىلىۋاتقان ئەركىنلىكچى پارتىيەنىڭ پىرېزىدېنت نامزاتى گارى جونسون %7، يېشىل پارتىيەنىڭ پىرېزىدېنت نامزاتى جىل ستېئىن بولسا %2 ئاۋازغا ئېرىشتى.

مەزكۇر ئەلرايى نەتىجىسىنىڭ ئۆتكەن ھەپتە ئۆتكۈزۈلۈپ كىلىنتوننىڭ <ئۈستۈنلۈكى> بىلەن  ئاخىرلاشقان دەسلەپكى قېتىملىق پىرېزىدېنتلىق مۇنازىرىسىنىڭ سابىق بىرىنچى خانىم كىلىنتونغا پايدىلىق بولغانلىقىنى كۆرسىتىپ بېرىدىغانلىقى قارىشى ئوتتۇرىغا قويۇلماقتا.

پىرېزىدېنتلىق رىقابىتىنىڭ ئالدىنقى قاتارىدىكى ئىككى نامزاتىنىڭ ئىككىنچى قېتىملىق تېلېۋىزىيە نەق مەيدان مۇنازىرىسى 19 – ئۆكتەبىردە ئۆتكۈزۈلىدۇ.