بارزانى بايدىن بىلەن ئىككىنچى قېتىم كۆرۈشتى

تۈركىيە ئاۋازى رادىيوسى خەۋىرى: بايدىن، بارزانىنىڭ شەرىپىگە ناشتىلىق زىياپىتى بەردى.
ئۇچرىشىشنىڭ ئەڭ مۇھىم كۈنتەرتىپ ماددىسى ئى ش ئى د گە قارشى كۈرەش ئىدى.
بايدىن، ئى ش ئى د گە قاقشاتقۇچ زەربە بېرىش ۋە ئۈزۈل - كېسىل يوقىتىش ئۈچۈن ئىتتىپاقداش كۈچلىرى ۋە ئىراق خەلقى بىلەن بىرلىكتە ھەرىكەت قىلىدىغانلىقلىرىنى تەكىتلىدى.
ئىراق ھۆكۈمىتى بىلەن ماس قەدەمدە كۈرت پەشمەرگەلىرىگە قارىتا ئامېرىكىنىڭ بىخەتەرلىك ياردەملىرى توغرۇلۇق مۇزاكىرە ئېلىپ بېرىلغان ئۇچرىشىشتا، ئىراق ھۆكۈمىتىنىڭ مىللىي پىروگراممىسىدىكى ھالقىلىق نىشانلارنىڭ غەلىبىلىك ئىشقا ئاشۇرۇلۇشى ئۈچۈن باغداد بىلەن ئەربىل ئوتتۇرىسىدا ھەمكارلىق ئاساسىدا ھەرىكەت قىلىشنىڭ زۆرۈرلۈكى مەسىلىسىدە بىردەكلىك ھاسىل قىلدى.