اٹلی میں سیلاب کی لپیٹ میں آکر گیارہ افراد ہلاک

اٹلی میں  ایک پہاڑی کو اچانک ہی اپنی لپیٹ میں لینے والے سیلاب کے نتیجے میں  کم از کم گیارہ افراد ہلاک ہو گئے ہیں۔

حکام نے بتایا ہے کہ مرنے والوں میں چھ خواتین بھی شامل ہیں جبکہ پانچ افراد بدستور لاپتہ ہیں۔ اس دوران دو درجن کے قریب افراد کو بچانے کے بعد ہسپتال منتقل کر دیا گیا ہے۔

یہ واقعہ اٹلی کے انتہائی جنوبی علاقے کالابریا کے راگانیلو کریک میں پیش آیا، جو ہائیکرز میں بہت مقبول ہے۔ فلیش فلڈ کی وجہ اس تنگ کھاڑی کے ایک حصے میں شدید بارشوں کے بعد پانی کا جمع ہونا بتایا گیا ہے۔