زیرحراست جیارجیا کے سابق صدر ساکاشویلی کیئف میں رہا

یوکرین میں زیر حراست جارجیا کے سابق صدر میخائیل ساکاش ویلی کو رہا کر دیا گیا ہے۔

کییف میں ایک عدالت نے ساکاشویلی کو تفتیشی حراست میں رکھنے کا حکم دینے سے انکار کر دیا۔

  خبر  کے مطابق، عدالت نے کہا کہ اس فیصلے کی وضاحت بعد میں کی جائے گی۔

 ساکاشویلی پر الزام ہے کہ انہوں نے روس سے ملنے والی رقوم کے ذریعے یوکرین کے صدر  پیترو پوروشینکو کے خلاف احتجاجی مظاہروں کے لیے مالی وسائل مہیا کیے تھے۔

سن 2004 سے 2013تک جارجیا کے صدر رہنے والے  میخائل ساکاشویلی کو گزشتہ ہفتے کی رات یوکرین  میں گرفتار کیاگیا تھا۔