فرانس:8 افراد پرفردجرم عائد،مساجد اورسیاست دانوں پرحملوں کی منصوبہ بندی میں ملوث تھے

فرانسیسی حکام نے تین نوعمر لڑکوں سمیت 8 افراد پر مساجد اور سیاست دانوں پر حملوں کی منصوبہ بندی کا الزام عائد کیا ہے۔

خبر کے مطابق، تفتیش کاروں کا کہنا ہے کہ ملزمان میں دائیں بازو کا ایک انتہا پسند بھی شامل ہے جس نے سیاسی رہنماؤں اور مساجد پر حملوں کے لیے ایک تنظیم بھی بنا رکھی ہے۔

ملزمان کی عمریں 17 سے 29 سال کے درمیان بتائی جاتی ہیں جن  پر دہشت گردی کی مجرمانہ سازشوں میں ملوث ہونے کا الزم عائد کیا گیا ہے۔
بتایا گیا ہے کہ دہشت گردی کی سرگرمیوں میں سرفہرست ملزمان میں الیگزینڈ رنیسین شامل ہے جس نے دہشت گردی اور پرتشدد کارروائیوں کے لیے ایک تنظیم بنا رکھی تھی  جسے سا سال جون میں مارسیل شہر سے حراست میں لیا گیا تھا۔

 معلوم ہوا ہے کہ نیسین نے ’او اے ایس‘ کے نام سے ایک خفیہ لشکر تشکیل دینے کی کوشش کی  تھی ۔

 نیسین کو اس وقت حراست میں لیا گیا جب اس نے اپنے مذموم عزائم انٹرنیٹ کے ذریعے ظاہر کیے اور اعلان کیا کہ وہ سیاہ فاموں، دہشت گردوں اور پناہ گزینوں پر حملے کرے گا۔

انکشاف ہوا ہے کہ   21سالہ ملزم  نئے نازی گروپ سے تعلق رکھنے والے بیرنگ پریفک سے متاثر لگتا ہے جس نے سن 2011میں ناروے میں فائرنگ اور بم دھماکے میں 77 افراد قتل کردیے تھے۔