پاک - روس قدرتی گیس سمجھوتے پر دستخط

پاکستان اور روس کے درمیان کراچی سے لاہور تک 1100 کلو میٹر طویل ایل این جی پائپ لائن کا معاہدہ طے پا گیا ہے۔ روس منصوبے پر دو ارب ڈالر کی سرمایہ کاری کرے گا۔
پاکستان اور روس کے درمیان گیس پائپ لائن منصوبے کے لیے بین الحکومتی معاہدہ طے پا گیا ہے ، منصوبے کا پہلا مرحلہ دسمبر 2017 میں مکمل ہوگا۔ روس گیس پائپ منصوبے پر دو ارب ڈالر کی سرمایہ کاری کرے گا ۔
گیس پائپ لائن شمال سے جنوب 100 کلومیٹر تک بچھائی جائے گی۔ پاکستان کی جانب سے وزیر پٹرولیم اور قدرتی وسائل شاہد خاقان عباسی نے معاہدے پر دستخط کیے ، دستخط کے بعد دونوں عہدیداران نے دستاویزات کا تبادلہ کیا۔
اسلام آباد میں وفاقی وزیر پٹرولیم شاہد خاقان عباسی اور روس کے وزیر توانائی الیگزینڈر نووک نے کراچی سے لاہور تک 1100 کلو میٹر طویل ایل این جی گیس پائپ لائن کے معاہدے پر دستظ کئے۔ اس موقع پر وزیراعظم نواز شریف بھی موجود تھے۔
گیس پائپ لائن معاہدے کا پہلا مرحلہ دسمبر 2017 میں مکمل ہو گا جس میں 1.2ارب کیوبک فٹ ایل این جی منتقلی کی گنجائش ہوگی۔