ایران اور سعودی عرب کے درمیان تیل کی پیدوار کے حوالے سے مثبت پیش رفت

ایرانی وزیرِ پیٹرولیم بیجن نامدار زنگنے  کا کہنا ہے کہ تیل کے پیداواری تناسب کے معاملے میں سعودی وزیر پیٹرولیم خالد الفتح سے ملاقات خوشگوار گزری ہے۔

ایرانی اور سعودی وزراء پیٹرولیم  نے تیل کی برآمدات کرنے والے ممالک کی یونین اوپیک کے آسڑوی دارالحکومت ویانا میں 174 ویں عمومی اجلاس   سے قبل دو طرفہ ملاقات کی۔

سعودی ہم منصب سے اس خصوصی ملاقات کے بعد پریس بریفنگ میں زنگنے نے بتایا کہ مذاکرات میں  پیداوار بڑھانے پر بات چیت ہوئی ہے جو کہ مثبت گزری ہے۔

انہوں نے بتایا کہ اوپیک  اجلاس میں پیٹرول کی پیداواری شرح  کے معاملے میں معاہدہ طے پا سکتا ہے۔