ایران اپنے کام سے کام رکھے ہمارے معاملات میں نہ الجھے: لبنان
لبنانی وزیراعظم سعد الحریری نےصدر روحانی کے لبنان ے خلاف بیان کی نفی کرتےہوئے کہا کہ لبنان ایک خود مختار ریاست ہے جس کے اندرونی مسائل میں کسی قسم کی بیرونی مداخلت برداشت نہیں کی جائے گی
832855
لبنانی وزیراعظم سعد الحریری نے ایرانی صدر حسن روحانی کےلبنان سے متعلق بیان پر برہمی کا اظہار کیا ہے۔
حریری نے سوشل میڈیا پر اپنے بیان میں کہا کہ صدر روحانی نے لبنان کے خلاف ایرانی ٹی وی پر جو زبان استعمال کی ہے وہ ناقابل قبول ہے ،لبنان ایک خود مختار ریاست ہے جس کے اندرونی مسائل میں کسی قسم کی بیرونی مداخلت برداشت نہیں کی جائے گی۔
یاد رہے کہ ایران، لبنان میں مصروف عمل حزب اللہ کی مدد کے بہانے لبنان کے داخلی معاملات میں مداخلت کرتا آرہا ہے جبکہ حال ہی میں ایرانی صدر نے اپنے بیان میں خطرہ ظاہر کیا تھا کہ زمانہ قریب میں لبنان اندرونی انتشار کا شکار ہو جائے گا۔