حلب کے مشرقی علاقے میں جنگ ختم ہو گئی : ویٹا لائی چرکن

اقوام متحدہ میں روس کے مستقل نمائندے ویٹا لائی چرکن نے کہا ہے کہ حلب کے مشرقی علاقے میں جنگ ختم ہو گئی ہے  اور  اسد انتظامیہ نے شہر کے کنٹرول کو دوبارہ سنھبال لیا ہے۔

  شام کے شہر حلب میں شہریوں پر حملوں  کا جائزہ لینے کے لیے اقوم متحدہ کی سلامتی کونسل کا ہنگامی اجلاس ہوا ۔اجلاس کے بعد صحافیوں کے سوالات کا جواب دیتے ہوئے چرکن  نے کہا کہ مخالفین نے علاقے سے انخلاء شروع کر دیاہے ، فوجی کاروائیاں ختم ہو گئی ہیں اور حلب کے مشرقی علاقے میں جنگ ختم ہو گئی ہے ۔ ایک صحافی کے اس سوال کہ آپ نے کہا ہے کہ مہاجرین اپنے گھروں کو واپس لوٹیں گے لیکن کیا آپ نے ویڈیو نہیں دیکھے ان کے گھر بار تباہ ہو چکے ہیں  کے جواب میں کہا کہ میں نے ویڈیودیکھے ہیں ،دلخراش مناظر ہیں ۔

دریں اثناء اقوام متحدہ کے خصوصی نمائندہ برائے شام سٹیفن دو مستورا نے بیان دیتے ہوئے کہا ہے کہ حلب کے مشرق میں 50 ہزار سولین اور 1500 مخالفین موجود ہیں  ۔ اندازے کے مطابق مخالفین کے 30 فیصد کا تعلق النصرا جنگجوؤں سے ہے۔مخالفین ادلیب جائیں گے اور ان کیساتھ جانے  کے خواہشمند شہریوں کو اس کی اجازت دینے کے معاملے میں ہم اصرار کر رہے ہیں ۔

اقوام متحدہ میں برطانیہ کے مستقل نمائندے میٹیو ری کرافٹ نے بھی بیان دیتے ہوئے کہا کہ حلب کے لیے آج کا دن پانچ سال کا تاریک ترین دن ہے  ۔اب حلب کو موت  کے نام سے یاد کیا جائے گا ۔ یہاں پر انسانوں کو زندہ جلایا گیا ہے اور خواتین نے اپنے عصمت کو بچانے کے لیے خود کشیاں کی ہیں ۔ اس سے قبل بھی قتل عام ہوئے تھے اور کہا گیا تھا کہ آئندہ ایسے قتل عام کی اجازت نہیں دی جائے گی لیکن وہی مناظر دوبارہ سامنے آئے ہیں ۔ سقوط حلب اسد کے لیے ظفر نہیں ہے۔ اسد منقسم کردہ اور تباہ کردہ ملک  پر حکومت نہیں کر سکیں گے ۔

اقوام متحدہ میں امریکہ کے مستقل نمائندے منانتا پاور  نے بھی حلب میں ہونے والے مظالم کا ذمہ دار اسد  اور اسکے حمایتی ممالک روس اور ایران کو  ٹھہرایا ہے ۔انھوں نے کہا کہ حلب روانڈا، سربٹینیٹسا اور حلپ چے کیطرح ایک سیاہ دھبے  کے طور  پر  تاریخ کا  حصہ بنے گا ۔