قطر میں صدر ایردوان کے اعزاز میں استقبالیہ تقریب کا اہتمام

قطر کے دورے کے دوسرے روز امیرِ قطر شیخ تمیم بن حامد الا ثانی نے صدر رجب طیب ایردوان کا ایک سرکاری تقریب کے ساتھ استقبال کیا۔
امیر کے محل میں منعقدہ سرکاری استقبالیہ تقریب میں دونوں ملکوں کے قومی ترانے بجائے جانے کے بعد صدر ایردوان اور امیرِ قطر کو گارڈ آف آنر پیش کیا گیا۔
بعدازاں وفود کے ایک دوسرے سے تعارف کے بعد دونوں سربراہان نے بلمشافہ مذاکرات کیے۔
جس کے بعد سرکاری طور پر صدر ایردوان کے اعزاز میں استقبالیہ دیا گیا۔
مذاکرات میں شام اور عراق کی تازہ صورتحال سمیت دو طرفہ تعلقات اور توانائی کے شعبے میں تعاون کے معاملات پیش پیش ہیں۔
اس دوران 1٫2 ارب کیوبک میٹر قدرتی گیس کا معاہدہ بھی ایجنڈے میں آئے گا۔ جو کہ ترکی کی مانگ کو پورا کرنے میں اہم کردار ادا کرے گا۔