چین، صوبہ حیبے میں طوفان اور سیلاب کے پیش نظر حفاظتی تدابیر
دارالحکومت بیجنگ اور تیانجن شہر کا احاطہ کرنے والے صوبہ حیبے میں 8 بیسن اور مختلف سائز کے 155 آبی ذخائر بنائے گئے ہیں
بتایا گیا ہے کہ چین کے شمال میں حیبے صوبے میں طوفان دوکسوری کی وجہ سے آنے والے سیلاب کی وجہ سے 12 لاکھ افراد کو محفوظ مقامات پر منتقل کر دیا گیا ہے۔
نیشنل پریس کی رپورٹوں کے مطابق، دارالحکومت بیجنگ اور تیانجن شہر کا احاطہ کرنے والے صوبہ حیبے میں 8 بیسن اور مختلف سائز کے 155 آبی ذخائر بنائے گئے ہیں۔
ریاست کے 12 لاکھ شہریوں کو جن میں متاثرہ علاقوں میں مقیم ساڑھے 8 لاکھ افراد بھی شامل ہیں، کو محفوظ علاقوں میں پناہ گاہوں کو منتقل کر دیا گیا ہے۔
حیبے کے ایمرجنسی مینجمنٹ ڈیپارٹمنٹ نے اعلان کیا کہ "بیجنگ اور تیانجن پر دباؤ کو کم کرنے کے لیے" 1.8 بلین کیوبک میٹر پانی کا رخ صوبے کےآبی ذخائر کی طرف موڑ دیا گیا ہے۔
ایک اندازے کے مطابق بیجنگ کے جنوب مغرب میں 6 لاکھ آبادی کے حامل کوکو شہر میں تقریباً 400 ملین کیوبک میٹر پانی جمع ہو چکا ہے۔
ماہرین کا کہنا ہے کہ اگرچہ بارش کی شدت میں کمی آئی ہے تاہم سیلابی علاقوں میں جمع کردہ پانی کے کم ہونے میں ایک ماہ تک کا وقت لگ سکتا ہے۔
متعللقہ خبریں
لیبیا نے 163 غیر قانونی بنگلہ دیشی تارکین وطن کو ملک بدر کر دیا
لیبیا میں اقامہ نہ رکھنے والے غیر قانونی تارکین کے خلاف کارروائیاں جاری ہیں
روسی فوج میں خدمات انجام دینے والے دو بھارتی شہری یوکرین میں ہلاک
روس سے ہندوستانی شہریوں کو بھرتی نہ کرنے اور مسلح شہریوں کو فوری طور پر آزاد کرنے کا مطالبہ