امریکہ غزہ میں جنگ بندی کے معاملے میں سنجیدہ نہیں، ایران

ایرانی وزارت خارجہ کے ترجمان ناصر کنعانی نے کہا کہ امریکہ غزہ میں جنگ بندی کے بارے میں سنجیدہ نہیں ہے۔

وزارت خارجہ میں منعقدہ ہفتہ وار پریس کانفرنس سے خطاب کرتے ہوئے، کنعانی نے اپنے ملک کی خارجہ پالیسی کے ایجنڈے اور علاقائی پیش رفت کا جائزہ لیا۔

کنعانی نے غزہ میں نصرت پناہ گزین کیمپ پر اسرائیل کے حملے کو، جہاں سیکڑوں فلسطینی شہری مارے گئے، کو "ظالمانہ اور غیر انسانی جرم" قرار دیا۔

"ہمیں اطلاعات ہیں کہ  امریکی اور برطانوی افواج نے اس آپریشن میں کردار ادا کیا۔ اس کا مطلب ہے کہ سہ فریقی آپریشن میں 700 سے زیادہ بے گناہ فلسطینی مارے گئے۔"

غزہ میں جامع جنگ بندی کے لیے امریکی تجویز کا جائزہ لیتے ہوئے کنعانی  نے کہا:

"امریکہ تمام جرائم میں صیہونی حکومت کے شانہ بشانہ کھڑا رہا ہے۔ کوئی بھی ثبوت یہ نہیں دکھاتا ہے کہ امریکہ جنگ بندی کے بارے میں سنجیدہ ہے۔ اگر امریکہ سنجیدہ ہے تو اسے پہلے صیہونی حکومت کے اسلحہ خانے کو بھرنا بند کرنا چاہیے۔"