بھارت:وادی کشمیر میں انٹرنیٹ سروس بحال کرنے کا فیصلہ
جموں و کشمير کے محکمہ داخلہ کے مطابق، صارفين کو حکومت کی منظور کردہ 301 ويب سائٹس تک رسائی حاصل ہو گی جبکہ اسمارٹ فونز پر ڈيٹا بھی بحال کیا جا رہا ہے
بھارت کے زير انتظام کشمير کے چند حصوں ميں آج سے انٹرنيٹ کی ترسيل بحال کی جا رہی ہے۔
جموں و کشمير کے محکمہ داخلہ کے مطابق، صارفين کو حکومت کی منظور کردہ 301 ويب سائٹس تک رسائی حاصل ہو گی۔
اسمارٹ فونز پر ڈيٹا بھی بحال کیا جا رہا ہے يعنی مقامی لوگ اپنے فونز سے بھی آن لائن ہو سکيں گے البتہ سماجی رابطوں کی ويب سائٹس پر پابندی اب بھی برقرار ہے۔
یاد رہے کہ بھارت کے زير انتظام کشمير کے بيشتر حصوں ميں5 ماہ سے انٹرنيٹ کی سروس معطل ہے۔
عالمی برادری کی جانب سے تنقید کے باوجود نئی دہلی حکومت کا کہنا ہے کہ يہ قدم سلامتی کو يقينی بنانے کے ليے اٹھايا گيا تھا۔
متعللقہ خبریں
لیبیا نے 163 غیر قانونی بنگلہ دیشی تارکین وطن کو ملک بدر کر دیا
لیبیا میں اقامہ نہ رکھنے والے غیر قانونی تارکین کے خلاف کارروائیاں جاری ہیں
روسی فوج میں خدمات انجام دینے والے دو بھارتی شہری یوکرین میں ہلاک
روس سے ہندوستانی شہریوں کو بھرتی نہ کرنے اور مسلح شہریوں کو فوری طور پر آزاد کرنے کا مطالبہ