بھارتی محکمہ داخلہ میں رشوت برائے ویزہ اسکینڈل،کئی افسران ملوث

راجستھان انسداد بدعنوانی  کے ادارے  نے ویزےکے بدلے رشوت کے الزام میں وزارت داخلہ کے غیر ملکی شعبے  کے سینیئر ڈپٹی سیکریٹری پی کے مشرا اور 3دیگر افراد کو گرفتار کرلیا  گیا ۔

وزارت داخلہ نے  ہندوستانی شہریت یاطویل المیعاد ویزا کی توسیع کیلئے درخواست دینے والے پاکستانی تارکین وطن کے  زیر التوا معاملات کا تصفیہ کرنے کا حکم دیا ہے۔

وزارت داخلہ کے ایک اور افسر کا کہنا ہے کہ رشوت برائے ویزہ  کے مبینہ گروہ کے بارے میں راجستھان پولیس کی تحقیقاتی رپورٹ کا انتظار ہے۔

 راجستھان پولیس کے افسر نے بتایا کہ مبینہ گروہ سرکاری افسران کی ساز باز سے گزشتہ کئی  سالوں  سے وسیع نیٹ ورک کے ذریعے سرگرم تھا۔

 رشوت لینے کے الزام میں گرفتار شدہ  3دیگر افراد کے نام اشوک ، گووند اور بھگوان رام ہیں جو پاکستانی تارکین وطن ہیں۔