جنوبی کوریا: صدر کے خلاف مظاہرے شدت اختیار کر گئے

جنوبی کوریائی دارالحکومت سیئول میں آج   ہزاروں افراد نے کرپشن اسکینڈل کے تناظر میں خاتون صدر پارک گُون ہَے کے خلاف احتجاجی ریلی میں شرکت کی۔

 اس موقع پر حفاظت کے  خصوصی انتظامات کیے گئے۔

 مظاہرین صدر سے مستعفی ہونے کا مطالبہ کر رہے ہیں جبکہ خاتون صدر منصب صدارت کو خیرباد کہنے کے لیے تیار نہیں ہیں۔

 ابھی تک یہ احتجاجی مظاہرے پرامن رہے ہیں۔

 کرپشن اسکینڈل سامنے آنے کے بعد صدر ہَے کی قریبی دوست کو مالی بےضابطگیوں اور حکومتی معاملات میں مداخلت کے الزامات کے تحت حراست میں لیا جا چکا ہے۔

یاد رہے کہ  یہ مسلسل چوتھا ہفتہ ہے کہ خاتون صدر کے خلاف احتجاجی مظاہرہ کیا گیا ہے۔