افغانستان میں بم حملہ

افغانستان میں بم حملے میں کابل پولیس ڈائریکٹر کے پرائیویٹ سیکرٹری کو ہلاک کر دیا گیاہے۔

کابل پولیس ڈائریکٹر جنرل ظاہر ظاہر نے جائے وقوعہ پر جاری کردہ بیان میں کہا ہے کہ صبح کے وقت پولیس ڈائریکٹریٹ کی عمارت میں ان کے دفتر کے قریب دھماکہ ہوا جس میں ان کے پرائیویٹ سیکرٹری ہلاک ہو گئے ہیں۔
ظاہر نے کہا کہ" تحقیقات جاری ہیں، ہمارے خیال میں دھماکہ دفتر کے قریب نصب بم کا یا خود کش حملے کا نتیجہ ہے، تاہم اس بارے میں ابھی ہاارے پاس حتمی معلومات موجود نہیں ہیں"۔
نام کو خفیہ رکھنے کی شرط پر ایک پولیس اہلکار نے کہا ہے کہ حملہ ایک فوجی یونیفارم میں ملبوس حملہ آور نے کیاہے۔