کولیبا کی نیٹو سے اپیل: ہمیں مزید اسلحہ بھیجیں

یوکرین کے وزیر خارجہ دمترو کولیبا نے کہا ہے کہ ہم اپنے نیٹو اتحادیوں سے اپیل کریں گے کہ ہمیں مزید اسلحہ بھیجیں۔ اس طرح جنگ یوکرین تک محدود رہے گی اور دیگر ممالک میں نہیں پھیلے گی۔

کولیبیا اور نیٹو کے سیکرٹری جنرل ژینز اسٹالٹن برگ نے نیٹو وزرائے خارجہ اجلاس سے قبل بیانات جاری کئے ہیں۔

 کولیبا نے کہا ہے کہ میں نیٹو اتحادیوں کو پیغام دوں گا کہ "جس قدر زیادہ اور تیزی سے ہمیں اسلحہ ملے گا اسی قدر انسانی زندگیاں بچ سکیں گی"۔

انہوں نے کہا ہے کہ حملے کے لئے اسلحے کی فراہمی یا پھر دفاعی مقاصد کے لئے اسلحے کی فراہمی کے درمیان تفریق کرنا فیلڈ کی صورتحال کے حوالے سے بے معنی ہے۔

روس پر پابندیوں کے بارے میں کولیبا نے کہا ہے کہ "ایک ہفتہ قبل تک پابندیوں کے بارے میں تجاویز نہایت ضعیف تھیں۔ ہم اس معاملے میں بہت ناامید تھے۔ پابندیاں ابھی تک یوکرین کی طلب کردہ سطح پر نہیں ہیں۔ ہم روس پر پیٹرول اور گیس کی مکمل پابندیوں کے اطلاق پر زور دینا جاری رکھیں گے"۔

اس سوال کے جواب میں کہ یوکرین کس نوعیت کا اسلحہ چاہتا ہے؟ کولیبا نے کہا ہے کہ "طیارے، اینٹی شِپ میزائل، عملہ، بکتر بند گاڑیاں، ہیوی ائیر ڈیفنس سسٹم"۔

 اسٹالٹن برگ نے بھی کہا ہے کہ "امید ہے کہ ہم، یوکرین کے لئے مزید ائیر ڈیفنس سسٹموں، اینٹی ٹینک اسلحے، لائٹ اور ہیوی اسلحے اور متعدد مختلف نوعیت کی امداد کے پہلو پر غور کریں گے"۔

انہوں نے کہا ہے کہ ہم نے اتحادیوں سے لائٹ اسلحے میں بھی اور ہیوی اسلحے میں بھی مزید امداد فراہم کرنے کی اپیل کی ہے۔ یوکرین کو اپنے دفاع کے لئے اسلحے کی ضرورت ہے۔ مجھے توقع ہے کہ یہ اجلاس کا اہم موضوع ہو گا۔