جزیرہ نما کوریا پر بڑھتی ہوئی کشیدگی پر بان کی مون کی تشویش

اقوام متحدہ کے سیکرٹری جنرل بان کی مون نے جزیرہ نما کوریا پر بڑھتی ہوئی کشیدگی کے بارے میں اپنے تحفظات  کا اظہار کیا ہے اور کہا ہے کہ علاقے میں بڑھتی ہوئی کشیدگی  سے  عالمی امن پر بھی اس کے منفی اثرات مرتب ہوں گے۔

 انہوں نے شمالی کوریا سے یہ مطالبہ بھی کیا ہے کہ وہ کوئی بھی اشتعال انگیز قدم اٹھانے سے گریز کرے۔ بان کی مون نے یہ بات دارالحکومت بیجنگ میں چینی وزیر خارجہ وانگ یی کے ساتھ ایک پریس کانفرنس کے دوران کہی ہے۔ انہوں نے شمالی اور جنوبی کوریا سے اپیل کی ہے کہ وہ دونوں کشیدگی کم کرنے کے لیے ہر ممکنہ کوششیں کریں۔

انہوں نے کہا کہ دونوں ممالک ہی خطے میں امن قائم کرسکتے ہیں۔