رکن اسمبلی اپنے شوہر کے ساتھ برہنہ حالت میں مردہ پائی گئیں

روسی صدر ولادی میر پیوٹن کی ”یونائیٹڈ رشیا پارٹی“ کی اہم رکن اور روسی پارلیمانی رکن 30 سالہ پر کشش سیاستدان اوکسانہ بوبورووز سکایا اپنے خاوند کے ساتھ ایک کار میں ازدواجی فرائض کی ادائیگی کے دوران المناک موت کی شکار ہوگئی ہیں۔
خبر کے مطابق سائبیریا کے شہر نووو سیبیرسک میں واقع آکسانہ کی تعمیراتی کمپنی میں ان کے دفتر کے قریب کھڑی گاڑی اچانک ایک بڑے دھماکے سے پھٹ گئی۔ جب سیکیورٹی اہلکار موقع پر پہنچے تو اوکسانہ اور ان کے خاوند نکیتا کی لاشوں کو برہنہ حالت میں پایا ۔
مقامی میڈیا کے مطابق اوکسانہ کا سر خوفناک دھماکے میں اڑچکا تھا اور گاڑی سے صرف اس کا دھڑ ہی برآمد ہوا۔
ابتدائی معلومات کے مطابق میاں بیوی میں حالات سخت کشیدہ تھے اور غالباً اوکسانہ کے خاوند نے ہی گاڑی میں بم رکھ کر یا دست بم کا دھماکہ کرکے دونوں کو ہلاک کرلیا۔
پولیس کو یہ بھی بتایا گیا ہے کہ نکیتا کو شک تھا کہ اس کی اہلیہ ایک طاقتور کاروباری شخصیت کے ساتھ ناجائز تعلقات رکھتی ہیں جس کے رنج میں اس نے بم دھماکہ کرکے اہلیہ کے ساتھ خود کو بھی ہلاک کرلیا۔
گلیمر اور خوبصورتی کی وجہ سے روس میں خصوصی شہرت رکھنے والی اوکسانہ کی موت نے روسی شہریوں کو ہلا کر رکھ دیا ہے۔
پولیس کا کہنا ہے کہ رکن پارلیمان کی المناک موت کے بارے میں ملنے والی مختلف رپورٹوں پر تحقیقات کی جارہی ہیں تاکہ ان کی موت کی اصل وجہ سے پردہ اٹھایا جاسکے۔